08.09.2025

Старшыня Сенненскага райвыканкама наведаў хлебазавод з рабочай праверкай

Кіраўнік Сенненскага раёна Аляксандр Клячын правёў рабочую праверку на мясцовым хлебазаводзе Сенненскага філіяла Віцебскага абласнога спажывецкага таварыства

У ходзе візіту кіраўнік раёна асабіста азнаёміўся з арганізацыяй вытворчага працэсу, тэхнічным станам абсталявання, умовамі захоўвання сыравіны і гатовай прадукцыі. Асаблівая ўвага была ўдзелена кантролю якасці выпускаемых вырабаў, іх асартыменту і адпаведнасці цэнавай палітыкі.

Аляксандр Клячын пагутарыў з калектывам прадпрыемства, абмеркаваў ключавыя паказчыкі работы, пытанні бесперабойнага забеспячэння насельніцтва раёна свежай хлебабулачнай прадукцыяй высокай якасці.

Па выніках праверкі былі дадзены адпаведныя даручэнні кіраўніцтву філіяла па далейшай мадэрнізацыі вытворчасці і падтрыманню стабільна высокага ўзроўню прадукцыі.