Навіны рэспублікі

Вытворчасць бульбы ў Беларусі за 2022 год вырасла на 23 працэнты

Вытворчасць бульбы ў Беларусі за 2022 год вырасла на 23 працэнты, паведамілі БЕЛТА ў прэс-службе Мінсельгасхарча.

У 2022 годзе ў сельскагаспадарчых арганізацыях і сялянскіх (фермерскіх) гаспадарках атрымана 1,08 млн т бульбы - гэта 123 працэнты да ўзроўню 2021 года.

"Удзельная вага патрэбнасці гандлю ў бульбе складае 9 працэнтаў ад яе вытворчасці, а стабілізацыйных фондаў - 5 працэнтаў. Вырошчваюцца сарты рознага мэтавага прызначэння: для фры, чыпсаў, падрыхтоўкі супоў, пюрэ, дранікаў і іншага. У структуры пасадак сарты беларускай селекцыі займаюць 70 працэнтаў плошчаў", - расказалі ў прэс-службе.

Як адзначылі ў Мінсельгасхарчы, атрыманыя аб'ёмы поўнасцю забяспечваюць патрэбнасць нашай краіны.

БелТА