Навіны рэспублікі

Тыдзень прадпрымальніцтва пройдзе з 23 па 27 кастрычніка ў Беларусі

Беларускі тыдзень прадпрымальніцтва пройдзе з 23 па 27 кастрычніка, паведамілі БЕЛТА ў прэс-службе Мінэканомікі.

На пляцоўцы Мінэканомікі пад старшынствам намесніка міністра Таццяны Бранцэвіч адбылося пасяджэнне арганізацыйнага камітэта па падрыхтоўцы і правядзенні Беларускага тыдня прадпрымальніцтва. Удзельнікі пасяджэння абмеркавалі прапановы для ўключэння ў план правядзення мерапрыемства, прадстаўленыя вядучымі бізнес-саюзамі (асацыяцыямі) краіны.

"Правядзенне такіх мерапрыемстваў садзейнічае павышэнню ўзроўню кансалідацыі дзелавой супольнасці і, што не менш важна, стымулюе прадпрымальніцкую актыўнасць тых беларусаў, хто пакуль не адважыўся самарэалізавацца ў бізнесе", - падкрэсліла Таццяна Бранцэвіч.

Чакаецца, што ўдзел у мерапрыемстве прымуць прадстаўнікі дзяржорганаў, бізнесу і аб'яднанняў прадпрымальніцтва, суб'екты інфраструктуры падтрымкі прадпрымальніцтва, навукі, адукацыі, маладзёжных аб'яднанняў і грамадзяне, зацікаўленыя ў адкрыцці ўласнай справы.

БелТА