Навіны рэспублікі

Экспарт беларускіх тавараў і паслуг за студзень склаў $3,6 млрд

Беларусь у студзені 2023 года знізіла экспарт тавараў і паслуг у параўнанні з аналагічным перыядам мінулага года на 10 працэнтаў - да $3,653 млрд. Аб гэтым сведчаць даныя, апублікаваныя на сайце Нацыянальнага банка, паведамляе БЕЛТА.

Знешнегандлёвы абарот тавараў і паслуг склаў $7,251 млрд, што на 2,9 працэнта менш, чым у студзені 2022 года. Сальда склалася дадатнае - на ўзроўні $55,2 млн (у студзені 2022 сальда таксама было дадатным - $648,7 млн).

Знешнегандлёвы абарот тавараў знізіўся на 1,7 працэнта - да $6,152 млрд. Экспарт тавараў знізіўся на 8,7 працэнта - да $2,99 млрд, імпарт узрос на 5,9 працэнта - да $3,162 млрд. Сальда склалася адмоўнае ў памеры $172,7 млн (у студзені 2022 года яно было дадатным і складала $286,7 млн).

Знешнегандлёвы абарот паслуг знізіўся на 9,1 працэнта - да $1,098 млрд. Экспарт паслуг знізіўся на 15,6 працэнта - да $663,3 млн, імпарт павысіўся на 2,8 працэнта - да $435,5 млн. Сальда знешняга гандлю паслугамі склалася дадатнае ў памеры $227,8 млн (у студзені 2022 года дадатнае сальда складала $362 млн).

БелТА