Адрас: 211117, г. Сянно, вул. К.Маркса,2
Е-mail: info@senno.vitebsk-region.gov.by
Тэлефон: (02135) 5-53-47
Гарачая лінія: (02135) 5-52-96
Бюджэт пражытачнага мінімуму павышаецца з 1 жніўня ў Беларусі. Гэта прадугледжана пастановай Міністэрства працы і сацыяльнай абароны ад 24 ліпеня 2023 года нумар 26, паведамілі БЕЛТА ў прэс-службе Мінпрацы.
Бюджэт пражытачнага мінімуму ў сярэднім на душу насельніцтва ўстаноўлены ў памеры Br364,4, што на 3,5 працэнта вышэй у параўнанні з нарматывам, які дзейнічаў з 1 мая па 31 ліпеня 2023 года.
Што датычыцца БПМ для асноўных сацыяльна-дэмаграфічных груп, у адносінах да працаздольнага насельніцтва яго памер будзе Br403,94 (раней - Br389,53); пенсіянераў - Br271,09 (раней - Br265,96); дзяцей ва ўзросце да трох гадоў - Br232,41 (раней - Br224,26); дзяцей ва ўзросце ад трох да шасці гадоў - Br319,5 (раней - Br308,56); дзяцей ва ўзросце ад шасці да васемнаццаці гадоў - Br388,35 (раней - Br378,15).
Змяненне БПМ з 1 жніўня аўтаматычна прыводзіць да перагляду розных надбавак і павышэнняў, убудаваных у сістэму сацабароны, а таксама асобных сацыяльных выплат, што залежаць ад памеру БПМ. Так, змяняюцца памеры дзярждапамог сем'ям, якія выхоўваюць дзяцей, павышэнні да пенсій для асобных катэгорый пенсіянераў, даплаты і надбаўкі пенсіянерам ва ўзросце 75 гадоў і старэйшым, якія атрымліваюць пенсіі ў органах па працы, занятасці і сацабароне, а таксама дапамогі па доглядзе інваліда I групы або асобы, якая дасягнула 80-гадовага ўзросту, і сацыяльныя пенсіі.