Навіны рэспублікі

Беларусь і Расія паглыбляюць супрацоўніцтва па забеспячэнні бяспекі Саюзнай дзяржавы

Дзяржаўны сакратар Савета бяспекі Рэспублікі Беларусь Аляксандр Вальфовіч сустрэўся з намеснікам сакратара Савета бяспекі Расійскай Федэрацыі Сяргеем Вахруковым, паведамляе карэспандэнт БЕЛТА.

На сустрэчы бакі абмеркавалі пытанні ўзаемадзеяння Беларусі і Расіі па фарміраванні адзіных канцэптуальных падыходаў у сферы бяспекі Саюзнай дзяржавы.

Удзельнікі перагавораў падкрэслілі рэзультатыўнасць беларуска-расійскіх кансультацый, якія адбыліся ў гэты ж дзень у Мінску.

У адпаведнасці з дамоўленасцямі, дасягнутымі на ўзроўні сакратароў саветаў бяспекі дзвюх краін, бакі вызначылі агульнае бачанне, парадак і фармат сумеснай работы па распрацоўцы дакументаў дактрынальна-стратэгічнага характару ў рамках Саюзнай дзяржавы. Адзначана эфектыўнасць сумесных намаганняў, якія прыкладаюцца ў галіне забеспячэння бяспекі Саюзнай дзяржавы як важнай часткі інтэграцыі дзвюх краін.

Было таксама выказана меркаванне, што ва ўмовах націску на нашы дзяржавы з боку калектыўнага Захаду супрацоўніцтва апаратаў саветаў бяспекі дзвюх дзяржаў садзейнічае больш цеснай каардынацыі стратэгічных міждзяржаўных адносін. У сувязі з гэтым сустрэчы беларускіх і расійскіх экспертаў па розных напрамках дзейнасці дазваляюць кансалідаваць сумесныя намаганні ў процістаянні сучасным выклікам і пагрозам рэгіянальнай бяспецы.

БелТА