Навіны рэспублікі

Акцыі па бясплатным прававым кансультаванні пройдуць у Беларусі 1 снежня

У Беларусі 1 снежня, напярэдадні Дня юрыста, пройдуць акцыі па бясплатным прававым кансультаванні. Аб гэтым паведамілі БЕЛТА ў прэс-службе Міністэрства юстыцыі.

Правядзенне ў час прававой асветы такіх мерапрыемстваў, прымеркаваных да дзяржаўных свят і іншых памятных дат, для юрыдычнай супольнасці Беларусі стала традыцыйным. Іх мэта - забеспячэнне абароны правоў і законных інтарэсаў грамадзян, павышэнне ўзроўню прававой культуры і прававой дасведчанасці насельніцтва.

У прыватнасці, у Брэсцкай вобласці 1 снежня можна будзе атрымаць бясплатныя юрыдычныя кансультацыі вопытных спецыялістаў па пытаннях, якія ўваходзяць у кампетэнцыю натарыусаў, адвакатаў, органаў прымусовага выканання, органаў, якія рэгіструюць акты грамадзянскага стану, упраўлення фонду сацыяльнай абароны насельніцтва, а таксама па іншых пытаннях, якія адносяцца да сферы юстыцыі. Акцыя пройдзе па адрасе: Брэст, вул. Міцкевіча, д. 3. Прымаць грамадзян будуць з 14.30 да 16.00. Папярэдне запісацца можна па тэлефоне 8 (0162) 21-25-29. Акрамя таго, кожны аддзел прымусовага выканання Брэсцкай вобласці ў гэты дзень з 10.00 да 12.00 правядзе прамыя тэлефонныя лініі.

У Гомельскай вобласці з 10.00 да 12.00 будуць праходзіць прамыя тэлефонныя лініі па пытаннях прастаўлення апастыля на дакументах (звяртацца можна па тэлефоне 8 (0232) 51 02 75), архіўнай справы і справаводства (8 (0232) 51 02 76), рэгістрацыі (ліквідацыі) суб'ектаў гаспадарання (8 (0232) 51 02 78), а таксама прымусовага выканання выканаўчых дакументаў аб спагнанні аліментаў, сродкаў на ўтрыманне мужа або жонкі і інш. (8 (0232) 51 02 86).

Інфармацыю пра бясплатныя кансультацыі ў іншых рэгіёнах краіны можна атрымаць у галоўных упраўленнях юстыцыі абласных, Мінскага гарадскога выканаўчых камітэтаў, натарыяльных канторах, натарыяльных бюро і юрыдычных кансультацыях краіны.

БелТА