Навіны раёна

Пасля капітальнага рамонту адкрылі цэнтральны корпус Сенненскай бальніцы

Пасля мадэрнізацыі ва ўстанове аховы здароўя з'явілася новае абсталяванне для эндаскапічнай службы, даўкамплектавана рэанімацыйнае аддзяленне. Змянілася прыёмнае аддзяленне, трэнажорамі і сродкамі ранняй рэабілітацыі пацыентаў абсталявана рэабілітацыйная зала. Ва ўрачыстай цырымоніі адкрыцця прынялі ўдзел старшыня Віцебскага аблвыканкама Аляксандр Субоцін, старшыня Пастаяннай камісіі Савета Рэспублікі Нацыянальнага сходу Рэспублікі Беларусь па рэгіянальнай палітыцы і мясцовым самакіраванні Міхаіл Русы, памочнік Прэзідэнта – інспектар па Віцебскай вобласці Анатоль Ліневіч, начальнік Галоўнага ўпраўлення па ахове здароўя Віцебскага аблвыканкама Міхаіл Вішнявецкі.