Навіны рэспублікі

Адзіны дзень бяспекі дарожнага руху пройдзе ў Беларусі

Першы ў гэтым годзе Адзіны дзень бяспекі дарожнага руху Дзяржаўтаінспекцыя правядзе сёння пад дэвізам "Разам - за бяспеку на дарогах". Аб гэтым БЕЛТА паведамілі ў ГУ ДАІ МУС.

Прафілактычныя мерапрыемствы будуць накіраваны на выкананне ўсімі ўдзельнікамі дарожнага руху правіл бяспечных паводзін і фарміраванне прававой культуры.

Інспектары ДАІ па ўсёй краіне традыцыйна ў апошнюю пятніцу месяца правядуць сустрэчы ў працоўных калектывах прадпрыемстваў і арганізацый, наведаюць установы адукацыі. Супрацоўнікі нагадаюць усім удзельнікам дарожнага руху аб іх правах і абавязках, аб правілах бяспечных паводзін на дарозе і ў транспарце, наступствах безразважнасці і невыканання ПДР, адказнасці за розныя парушэнні ў сферы дарожнай бяспекі.

У мінулым годзе ў параўнанні з 2021-м у рэспубліцы знізілася колькасць ДТЗ, загінулых і параненых у іх людзей у сярэднім на 10 працэнтаў.

"Выкананне правіл і разумныя паводзіны ўсіх удзельнікаў дарожнага руху дапамогуць пазбегнуць трагедый і зрабіць нашы дарогі больш бяспечнымі", - дадалі ў ДАІ.

БелТА