Адрас: 211117, г. Сянно, вул. К.Маркса,2
Е-mail: info@senno.vitebsk-region.gov.by
Тэлефон: (02135) 5-53-47
Гарачая лінія: (02135) 5-52-96
У рэспубліканскім аглядзе-конкурсе на лепшую пастаноўку фізкультурна-аздараўленчай і спартыўна-масавай работы за 2020 год трэцяе месца сярод абласных цэнтраў, гарадоў абласнога падпарадкавання, раёнаў у горадзе, аграгарадкоў і іншых населеных пунктаў заваяваў аг. Ходцы.
Як сцвярджае старшыня сельвыканкама Аляксандр Гардзецкі, на запрашэнне прыняць удзел у спаборніцтвах рознага роду мясцовыя жыхары адгукаюцца ахвотна. Ды і ў самога старшыні ў шафе на ўсялякі выпадак стаіць пара спартыўнага абутку.
- Так склалася, што ў нас падабралася выдатная каманда: Пётр і Антон Чэпікавы, выдатныя спартсмены і трэнеры, і я, - распавядае Аляксандр Гардзецкі. - Разам арганізоўваем турніры, спартландыі, збіраем удзельнікаў для розных раённых спаборніцтваў.
Штогод у сельсавеце праводзіцца спартакіяда, дзе прапануюць паспаборнічаць у нескладаных відах спорту, каб спаборніцтвы маглі стаць найбольш масавымі. З асаблівым пачуццём расказваюць тут пра спартыўную залу Ходцаўскай школы, якім ганарацца і гатовы з задавальненнем дэманстраваць гасцям.
Асобная размова – пра трэнажорныя залы, абсталяваныя ў будынку сельвыканкама. Яны з'явіліся тут дзякуючы выйгранаму гранту па лініі Чырвонага Крыжа, які дазволіў набыць неабходнае абсталяванне.
— Любы жадаючы можа прыйсці сюды, каб пазаймацца, падцягнуць спартыўнуюформу, - адзначае старшыня сельскага выканаўчага камітэта. – А нашы вяскоўцы збіраюцца сюды яшчэ і для таго, каб проста пагутарыць. Атрымліваецца такое аб'яднанне па інтарэсах. І цікавасць гэта ў тым ліку і спартыўная.
Варта сказаць, што заняткі на трэнажорах па пэўным графіку праводзіць Антон Чэпікаў. Праўда, зараз арганізуюць іх, а таксама іншыя спартыўныя мерапрыемствы з улікам эпідэміялагічнай сітуацыі. У цяперашні час яны не збіраюць такую вялікую колькасць людзей, але ўсё роўна становяцца не менш актыўнымі і эфектыўнымі.
Цяперашняе дасягненне на рэспубліканскім узроўні ў аграгарадка не першае. У мясцовай скарбонцы ўжо ёсць падобныя ўзнагароды, а атрыманыя прэміі стараюцца трацiць на заахвочванне вяскоўцаў, якія прымаюць актыўны ўдзел у спартыўна-масавых мерапрыемствах, а таксама набыццё спортінвентару. Гэтак жа збіраюцца паступіць і з грашовай узнагародай, якую атрымаюць за трэцяе месца у рэспубліканскім аглядзе-конкурсе.
Быць актыўным, падтрымліваць добрую спартыўную форму лёгка, лічаць у Ходцах. Галоўнае - захацець, а магчымасці для заняткаў фізічнай культурай у аграгарадку даўно створаны.
Галіна ЖУКАВА.